АҚШ президенттігіне үміткер Дональд Трамптың сайлауалды штабына хакерлер шабуыл жасады. Бұл туралы Politico газеті хабарлады.
Басылымның мәліметінше, «АҚШ-қа дұшпандық танытқан» шетелдік хакерлер штабтың ішкі хат-хабарларына заңсыз қол жеткізген.
Бұл шабуылды Ираннан келген хакерлер жасады деген күдік бар.
Журналистер Трамптың сайлау науқанына қатысты құжаттарды белгісіз адамдардан 22 шілдеде ала бастады.
АҚШ-тың бұрынғы президентінің сайлауалды науқанының коммуникациялар жөніндегі директоры Стивен Чунг Axios-қа бұл құжаттар 2024 жылғы сайлауға араласу және бүкіл демократиялық үдеріске хаос себу үшін Америка Құрама Штаттарына дұшпандық білдіретін шетелдік көздерден заңсыз алынғанын айтты.
Ол Microsoft есебінде ирандық хакерлердің 2024 жылдың маусымында АҚШ-тың жоғары лауазымды шенеуніктің аккаунтына шабуыл жасағанын, бұл Трамптың өзінің кандидатурасын таңдауымен тұспа-тұс келгенін айтты.
Бұған дейін Microsoft Иранға қатысы бар хакерлер тобының осы жылдың қарашасында өтетін АҚШ сайлауына араласу науқанын бастағанын хабарлаған болатын.