Исламабадта өтетін Иранмен бейбіт келіссөздерге АҚШ вице-президенті Дж.Д.Вэнс, президенттің арнайы өкілі Стив Виткофф және Ақ үй басшысының күйеу баласы Джаред Кушнер қатысады деп күтілуде. Бұл туралы CNN хабарлады.
Айта кетейік, Исламабадта АҚШ пен Иран арасындағы келіссөздер арадағы пәкістандық өкілдердің қатысуымен өтеді. Журналистер қазір Венгрияда жүрген Вэнстің шетелдік сапарына Исламабадты қосуға болатынын жазады.
Axios: АҚШ пен Иран келіссөздерінің бірінші кезеңі 10 сәуірде Исламабадта өтеді
Бұған дейін Пәкістан премьер-министрі Шахбаз Шариф 10 сәуірде Иран мен АҚШ делегацияларын Исламабадта келіссөзге шақырғаны белгілі болған.
Сәуірдің 8-і күні АҚШ президенті Дональд Трамп атысты тоқтату туралы мәлімдемесінен кейін Иран АҚШ-ты жеңгенін жариялады. Ислам республикасы үкіметтік агенттігінің хабарлауынша, Америка Құрама Штаттарымен екі апталық бітім шартта Америка әскерлерінің Таяу Шығыстағы барлық базалардан шығарылуы, барлық санкциялардың алынып тасталуы, Иранның шетелдегі активтерінің босатылуы және Иранға өтемақы төлеу қарастырылған.
Бұған дейін президент Трамп Иранмен екі апталық атысты тоқтату туралы жариялаған болатын. АҚШ басшысы бомбалауды тоқтатуға келісті, ал Иран осы кезеңде Ормуз бұғазын ашуға келісті.
Бұған дейін Ақ үй Израильдің Иранмен атысты тоқтату келісіміне қосылатынын хабарлаған.