Премьер-министр Мишель Барнье кабинетінің оған сенімсіздік білдіргеннен кейін отставкаға кетуі Францияда саяси дағдарыс пен атқарушы биліктегі хаосқа әкелетіні сөзсіз. Бұл туралы америкалық The New York Times (NYT) газетінің шолушылары мәлімдеді.
«Франция қазір парламенттік сайлаудан кейінгі сияқты ұзаққа созылған тұрақсыздық кезеңіне тап болды. Елисей сарайы бейсенбі күні жергілікті уақыт бойынша сағат 20.00-де (Президент Эммануэль) Макрон халыққа сөз сөйлейтінін айтты», — деп жазады басылым.
Бұған дейін парламент сенімсіздік вотумын қабылдағаннан кейін Франция президенті Эммануэль Макрон Барньенің отставкасын қабылдағаны хабарланған болатын. Сонымен қатар, француз көшбасшысы Барнье мен оның үкіметінен елдің жаңа премьер-министрі тағайындалғанға дейін қызметінде уақытша қалуды сұрады.