
Нидерланды астанасы Амстердамда «Аякстың» қонағы «Маккаби Тель-Авив» командасының жанкүйерлеріне матчтан кейін шабуыл жасалды. Көптеген израильдіктердің жарақат алғаны айтылады.
УЕФА Еуропа лигасының 4-ші аптасында «Аякс» Йохан Круйфф Аренада Тель-Авивтің «Маккаби» командасын қабылдады. «Аякс» матчты 5:0 есебімен жеңіп, 10 ұпай жинап, гол айырмасының арқасында бірінші орынға шықты. «Маккаби Тель-Авив» әзірге ұпай жинаған жоқ.
Нидерландыға матчты тамашалауға келген бір топ израильдік жанкүйерлер шабуылға ұшырады.
10 адамның жараланғанын жариялаған Израиль Нидерландыдан жанкүйерлерді эвакуациялау үшін екі ұшақ жіберілгенін айтты.
Израильдің Ұлттық қауіпсіздік кеңесі шетелдегі израильдіктерді Израиль немесе еврей рәміздерін алып жүрмеуге шақырды.
BEŞİKTAŞ МАТЧЫ БЕЙТРАЛДА ӨТЕДІ 28 қараша, бейсенбі күні Ыстамбұлда өтуі тиіс УЕФА Еуропа лигасы аясындағы Бешикташ пен Израиль өкілі Маккаби Тель-Авив арасындағы матч УЕФА шешімімен бейтарап стадионға ауыстырылды. Матч өтетін ел мен стадион апта соңына дейін анықталады деп күтілуде.
СЕРБИЯДА БАСКЕТБОЛ МАТЧЫ ӨТТІ Бешикташ баскетбол командасы да Стамбулда емес, қауіпсіздік мақсатында бейтарап жерде Сербияда Израиль командасы Хапоэль Шломомен матч өткізді.
