Ресей әлемдегі ең көп шабуыл жасалған ел болды, бұл мәртебе 2022 жылдан бері сақталып келеді. Бұл туралы Ресейдегі Kaspersky GReAT басшысы Дмитрий Галов мәлімдеді, деп жазады «Жаңалық».
Сарапшы ондаған хакерлер топтары 2022 жылдың ақпанынан кейін ресейлік ұйымдар мен қарапайым пайдаланушыларды нысанаға ала бастағанын атап өтті.
Украинашыл топтар тарапынан «қар көшкіні тәрізді шабуылдар легі» болып жатыр. Көбінесе шабуылдаушылар өнеркәсіптік кәсіпорындарға, телекоммуникацияларға, құрылыс компанияларына және IT секторына шабуыл жасайды.
Positive Technologies сарапшысы Ирина Зиновкинаның айтуынша, 2022 жылы ресейлік ұйымдарға 220 «сәтті шабуыл» жасалған. 2023 жылы бұл сан 167-ге дейін төмендеді. 2024 жылы 217 шабуыл тіркелді.
Соңғы үш жылда хакерлердің мақсаттары да өзгерді, көбінесе инфрақұрылымды жоюды көздейді. Мысалы, ұйымдарға барынша зиян келтіру үшін шабуыл жасау жағдайлары жиілеп кетті. Хакерлер АТ жүйелерін өшіреді, құпия деректерді жариялайды және бұл оқиғаларды жалпыға ортақ етуге тырысады.
Бұған қоса, 2024 жылы діни мекемелер мен ауыл шаруашылығы кәсіпорындарына бұрын соңды болмаған шабуылдар орын алды.
Kaspersky Managed Development and Response мәліметтері бойынша, 2024 жылдың бірінші жартыжылдығында Ресей мен ТМД елдерінде күрделі киберинциденттер саны өткен жылмен салыстырғанда 39%-ға өсті.