АСАНА, 23 қыркүйек. Ресей құқық қорғау органдары кәмелетке толмағандарға қатысты сексуалдық қылмыс жасады деген күдікке ілінген республика азаматын Қазақстанға экстрадициялады. Бұл туралы ҚР Бас прокуратурасының баспасөз қызметі хабарлады.
«2023 жылдың қыркүйегінде ол Шымкент қаласындағы жалдамалы пәтерлердің бірінде 14 жастағы қызбен жыныстық қатынасқа түскен. Қылмыс жасағаннан кейін қаскүнем қашып кетіп, оған халықаралық іздеу жарияланған. Ағымдағы жылдың сәуір айында ол Новосібірде ұсталды. Қазақстан Бас прокуратурасының сұрауы бойынша Ресей тарапы күдіктіні отанына экстрадициялау туралы шешім қабылдады», — делінген құжатта.
Қазіргі уақытта қылмыстық іске қатысы бар адам сот шешімін күтіп түрмеге жіберілді. Айыпталған қылмыс үшін жаза бес жылға дейінгі мерзімге бас бостандығынан айыру және белгілі бір лауазымдарды атқару немесе белгілі бір қызметпен айналысу құқығынан өмір бойына айыру түрінде жазаланады.