12.12.2024 ж., 23:06
Ауыр атлетикадан Қазақстан құрамасының өкілі Нұрғис Әділетұлы Манамада (Бахрейн) өткен әлем чемпионатында жеңіске жетті, деп хабарлайды Tengri Sport Olympic.kz сайтына сілтеме жасап.
Фото t.me/olimpicgames_Kazteamfan
Зілтемірші 96 келіге дейінгі салмақта алтын медальді жеңіп алды.
Барлығы Нұрғиса 388 (174+214) келі көтерді. Бұл нәтиже әлем чемпионатын бірінші орынмен аяқтауға жеткілікті болды.
Реваз Давитадзе (Грузия) мәреге екінші келді – 387 (177+210) келі. Үздік үштікті 387 (173+214) келімен ирандық Али Алипур түйіндеді.
Айта кетейік, Алексей Чуркин бұған дейін 81 келіге дейінгі салмақта күміс жүлде алған болатын.