Құрлық әскерлерінің баспасөз қызметі Қарағанды облысындағы Приозер әскери гарнизонында болған апатқа қатысты пікір білдірді, — деп хабарлайды Tengrinews.kz тілшісі.
Ағымдағы жылдың 14 қазанында Приозерск стансасындағы әскери бөлімдердің бірінде әскерге шақырылған азамат күзет қызметін атқарып жүріп, бекітілген қарумен басынан атқан.
«Оқиғаның әскери қызметке қатысы жоқ. Алғашқы мәлімет бойынша, бұл сарбаз отбасындағы кикілжің салдарынан өз-өзіне қол жұмсаған. Бұл оқиғаға қатысты қылмыстық іс қозғалып, тергеу амалдары жүргізілуде. Айта кетейік, бұл әскери қызметшінің белгіленген қызмет мерзімінің аяқталуына екі жыл қалды», — делінген ҚР Құрлық әскерлерінің баспасөз қызметі таратқан хабарламада.
Құрлық әскерлері қолбасшылығы әскери қызметшінің отбасы мен жақындарына көңіл айтты.
«Оның отбасы мен достарына қажетті көмек көрсетіледі», — делінген ҚР Құрлық әскерлерінің баспасөз қызметі таратқан хабарламада.
Еске сала кетейік, жексенбі, 13 қазан күні Шахтинсктегі пәтерлердің бірінде Ұлттық ұлан сарбазы өлі күйінде табылған болатын. «Орталық» өңірлік ұлттық гвардиясының қолбасшысы бұл адамның шынымен де олардың жауынгері екенін хабарлады. Ресми мәлімет бойынша, қайғылы оқиға жұмыс уақытында болған.
«Ол келісім-шарт бойынша қызмет етті», — деп хабарлады ІІМ Ұлттық ұланның баспасөз қызметі. Алдын ала болжам бойынша, бұл сарбаз отбасындағы кикілжің салдарынан қылмысқа барған.