Дзюдошы Даяна Федосова 2024 жылы Парижде (Франция) өтіп жатқан Паралимпиада ойындарында Қазақстанға алтыншы медалін әкелді, деп хабарлайды Tengri Sport.
57 келі салмақта J2 қола жүлде үшін өткен кездесуде Түркия өкілі Донда Йесилюртті 11:0 есебімен жеңді.
Фото: Паралимпиада комитеті/Нұрғали Жұмағазы
Қазақстан Паралимпиада ойындарында медаль рекордын жаңартты
Бұған дейін SB13 санатында 100 метрге брасс әдісімен жүзуден ақтық сынға шыққан қазақстандық жүзуші Нұрдәулет Жұмағали Паралимпиада ойындарының күміс жүлдесін жеңіп алған болатын.
48 келі салмақта сынға түскен дзюдошы Ақмарал Науатбек Қазақстан қоржынына алтын медаль әкелді. Ол финалда Франция өкілі Сандрин Мартинетті жеңді.
Бірінші алтын медаль Давид Дегтярев өнер көрсеткен парапауэрлифтингтен алынды. Пневматикалық мылтықпен атудан 10 метр қашықтықта тұрып Еркін Ғаббасов күміс, лақтырудан Дастан Мұқашбеков қола жүлдені жеңіп алды.
Бұл ретте Қазақстан Паралимпиадалық медальдар рейтингінде бұрынғысынша 34-орында тұр (6 жүлде – 2 алтын, 2 күміс, 2 қола).
Ерлер арасындағы жеребеде қазақстандық дзюдошы Ерғали Шәмей 73 келі салмақта J1 категориясының финалына шықты. Алтын үшін шешуші белдесуде ол румыниялық Флорин-Александру Бологимен кездеседі.