Әлеуметтік желідегі Ұлттық ұлан жауынгерін пойыздың фойесінде соққыға жыққан видеодағы оқиға анықталды, — деп хабарлайды Tengrinews.kz тілшісі.
Ведомствоға оқиғаның 2023 жылдың күзінде, әскери борышын өтеп, запасқа жіберілген әскерге шақырылғандар үйлеріне қайтып бара жатқан кезде орын алғаны хабарланды.
«Аталған факті бойынша 2024 жылғы 23 қыркүйекте ҚР ҚК-нің 440-бабының 1-бөлігі «Әскери қызметшілер арасындағы қатынастар туралы заң нормаларын бұзу» бойынша қылмыстық іс қозғалды. Куәгерлер, жәбірленушілер мен күдіктілер анықталды. Күдіктілерді ұстау бойынша бірқатар шаралар қабылданды», — делінген ІІМ хабарламасында.
Ішкі істер министрлігі тергеу барысы Ішкі істер министрінің жеке бақылауында екенін хабарлады.
Бұған дейін президенттің кеңесшісі әрі баспасөз хатшысы Берік Уәли Тоқаев Ішкі істер министрі Ержан Сәденовке шабуыл жасағандарды ішкі заңнамаға сәйкес жауапкершілікке тарту үшін шұғыл шаралар қабылдауды тапсырғанын айтқан.
Бұған дейін әлеуметтік желіде камуфляж киген жігіттің соққыға жығылған сәті түсірілген видео тараған болатын.
Ішкі істер министрлігіне қарасты Ұлттық ұлан камераға түсірілген форманың осы мекемеге тиесілі екенін растады.