81 жасқа қараған шағында Энергетика министрі Алмасадам Сәтқалиевтің әкесі Майдан Әбдуғалиұлы Сәтқалиев өмірден озды. Бұл туралы министрліктің баспасөз қызметі хабарлады, — деп хабарлайды Tengrinews.kz тілшісі.
Сатқалиев Майдан Әбдуғалиұлы 1943 жылы Алматы облысы, Құғалы ауылында дүниеге келген.
Еңбек жолын Алматы облыстық салық инспекциясы агенттігінде салық инспекторы болып бастаған. Осы жылдар ішінде Алматы халық шаруашылығы институтының «Қаржы» кафедрасының аға оқытушысы, декан орынбасары, партия хатшысы, доценті қызметтерін атқарды.
1997 жылы Астанаға көшкеннен кейін Қазақстан ауылшаруашылық университетінің қаржы факультетінде доцент қызметін жалғастырды.
Майдан Сатқалиев – банк ісі бойынша оқу құралының және Қазақстан қаржысы туралы мақалалар топтамасының авторы.