15.02.2026 ж., 20:47
Ұлы Отан соғысы ардагерлерінің құрметіне енді бес көшеге атау берілді, деп хабарлайды Lada.kz.
Сурет Түпқараған ауданы әкімдігі
Түпқараған ауданы әкімдігінің баспасөз қызметі хабарлағандай, Шевченко бекінісінде жаңа көшелерге Ұлы Отан соғысының ардагерлері – Тәбіш Қошақбаев, Мұқан Мұңғалов, Нұрберген Исаев, Қадір Ергенбаев және Құрбан Адырқовтың есімдерін беру салтанатты рәсімі өтті.
Шараға аудан әкімі Ержан Күмісқалиев, соғыс ардагерлерінің ұрпақтары, қала тұрғындары, қоғам белсенділері мен зиялы қауым өкілдері қатысты.
Салтанатты шара барысында құрметті қонақтар майдангерлердің Отан қорғаудағы ерен ерлігін және соғыстан кейінгі бейбіт өмірді қалпына келтірудегі өлшеусіз үлестерін атап өтті.
