Үстіміздегі жылдың 24 қыркүйегінен бастап Ташкент пен Мәскеу арасында жолаушылар пойызы қатынайтын болды. Маршрут Ақтау арқылы өтеді. Бұл туралы Ресейдің көлік министрі Роман Старовойт мәлімдеді.
Екі астана арасындағы пойыздың іске қосылғаны Өзбекстан премьер-министрі Абдулла Ариповпен келіссөздер барысында белгілі болды.
Атап айтқанда, 24 қыркүйектен бастап Ташкент-Мәскеу жолаушылар пойызын іске қосамыз. Енді екі астана арасындағы маршрутты трансферсіз жасауға болады, жол жүру уақыты үш күннен сәл ғана асады. Пойыз бүкіл бағыт бойынша елді мекендерде тоқтайды, сондықтан пойызбен басқа қалаларға сапарларды жоспарлауға болады. Маршрут Пенза, Самара және Орынбор, сондай-ақ Қазақстан Ақтау арқылы өтеді», — деді Роман Старовойт.
Жыл соңына дейін пойыз аптасына бір рет қатынайды, жаңа жылдан бастап сапарлар саны екіге дейін артады.
Бұған дейін Қазақстанның Көлік министрлігі өңірде пойыз билеттерінің қымбаттағанын хабарлаған болатын. Өзгерістер 2024 жылдың 1 қазанында күшіне енеді деп күтілуде.