Полиция жолға түкірген тәртіп бұзушыларды іздестіруде, — деп хабарлайды Tengrinews.kz .
Құқық қорғау органдары камераға түсірілген осындай жағдайлардың бірінің видеосын жариялады. Павлодарда әлеуметтік желілерге мониторинг жүргізу барысында Toyota Highlander жүргізушісі Сұрағанова мен Геринг көшелерінің қиылысында жолға түкіру арқылы ереже бұзғаны анықталды. Бұл үшін оған «Қоғамдық орындарды ластау» бабы бойынша 3 АЕК (11 076 теңге) көлемінде айыппұл салынды.
«Кез келген қылмысқа мүлдем төзбеушілік – қоғамдық қауіпсіздікті арттыру жолындағы маңызды қадам», — деді полиция.
Жыл басынан бері Павлодар облысында осындай заңбұзушылыққа жол берген 1678 адам әкімшілік жауапкершілікке тартылған.
Бұған дейін Қазақстанда түкірген азаматтарды көше сыпыруға мәжбүрлеу туралы ұсыныс болған.
Бір жыл бұрын Астана полициясы елорда тұрғындарының 19 миллион теңгеге жуық ақшаға «ойламағанын» хабарлады.