Талғарда түнде ер адам басқа адамды пышақпен қуып келе жатқан шулы төбелеске қатысушылар анықталды деп хабарлайды Tengrinews.kz тілшісі.
Талғар аудандық полицейлері бейнетаспаға түсірілген оқиғаға қатысушыларды тез арада анықтап, заң аясында қажетті шараларды қолға алды.
«Ауданның 37 және 31 жастағы тұрғындары жауапкершілікке тарту үшін полицияға жеткізілді. Жанжалдың себебі туыстары, әйелдің ағасы мен күйеуінің екеуін ажыратпақ болғаны болып шықты. Қазіргі уақытта жанжалдасып жатқан тараптардың бір-біріне шағымы жоқ, мәселе шешілді», — деп хабарлады Алматы облыстық полиция департаментінің баспасөз қызметі.
Талғарда екі жігіттің кикілжіңі түсірілгенін бұған дейін хабарлаған болатынбыз. Куәгерлердің айтуынша, олардың бірінің қолында пышақ болған. Ол да қарсыласына: «Ішіңді ашамын!» деп айғайлады. Сонымен бірге әйел оларды тыныштандыруға тырысты.
Назар аударыңыз! Бейнеде әдепсіз сөздер бар.