Брюссельде экономиканың қазбалы отынға тәуелді салаларын субсидиялауға қарсы наразылық шарасы кезінде шведтік танымал экологиялық белсенді Грета Тунберг ұсталды, деп хабарлайды Zakon.kz.
Soir газетінің хабарлауынша, 150-ге жуық белсенді қаланың орталық көшелерінің бірінің жаяу жүргіншілер жолында «Біз қазір нөлдік шығарындыларды талап етеміз» деген плакаттармен отырды. Оқиға орнына жеткен полиция наразылық білдірушілерді ажыратты. Тунберг құқық қорғау органдарының талаптарын орындаудан бас тартты, сондықтан ол қамауға алынды.
Айта кетейік, бұл акция экологиялық белсенділердің Еуропалық Одақ институттарына жолдаған хатын қолдау мақсатында жасалған. ЕО хатында айтылған «жасыл экономиканы» құру мақсаттарына қарамастан, еуропалық институттар тек Еуропада ғана емес, сонымен қатар Оңтүстік жарты шардағы елдерде де экологиялық зиянды өндірісті қолдауды жалғастыруда.
