27.08.2024, 21:40
Ақтөбе облысының Дөң ауылында 10 жасар қыз көлікте тірідей өртеніп кетті. Облыстық полиция департаменті баланың өліміне қатысты қылмыстық істі тергеп жатқанын NUR.KZ хабарлайды.
Иллюстрациялық фото: t.me/qr_tjm
Қайғылы оқиға бүгін Хромтау ауданы Дөң ауылында болды, деп хабарлады Ақтөбе облыстық полиция департаментінің баспасөз қызметі Instagram желісіндегі парақшасында.
«Аулада тұрған «ВАЗ» автокөлігінің өздігінен жануы орын алған, бұл көрші үйдің бейнебақылау камерасының жазбасымен расталды. Көлікте 10 жасар қыз көз жұмды. Оқиға кезінде баланың ата-анасы екеуі де үйде болған. Өрттің шығу себебі анықталуда». – делінген полиция хабарламасында.
Мәйітті табу үшін сотқа дейінгі тергеу басталды. Барлық қажетті сынақтарға тапсырыс берілді.