Оның жеке бапкері Қуанғали Дастанұлының айтуынша, қола жүлде 20 жастағы Рауан Рзағалыға бұйырды.
13-15 тамыз аралығында Самарқанд қаласында Финляндия, Бахрейн, Сауд Арабиясы, Ресей, Әзірбайжан, Қырғызстан, Беларусь, Украина, Қазақстан және Өзбекстаннан 700 спортшы қатысқан «Samarkand Open» халықаралық турнирі өтті.
Рауан Рзағалы 68 келіге дейінгі салмақта өнер көрсетеді. Қола үшін өткен кездесуде Өзбекстан спортшысын жеңді.
Айтпақшы, Рауан Рзағалы таэквондомен 10 жыл бойы WT таэквондодан облыстық аға жаттықтырушы Қуанғали Дастанұлының жетекшілігімен айналысады.
Бұл спортшы бірнеше рет республикалық және халықаралық турнирлерде чемпион және жүлдегер атанды. 2023 жылы Қазақстан Республикасы құрама командасының мүшесі Спартакиаданың финалына шықты.
Енді ол қыркүйек айының соңында елордада өтетін «Kazakhstan Open G-2» халықаралық рейтингтік турниріне, сондай-ақ 21 жасқа дейінгі Азия чемпионатына дайындалуы керек. Қараша айында өтетін ел чемпионатына қатысуды жоспарлаған.