25.08.2024 ж., 21:18
27-аудан, №2 үйдің артында екі қатарға автобөлшектер салынған контейнерлер тізіліп тұр. Бұл оқиғаға қатысты қала әкімдігі түсініктеме берді.
Автордың фотосы
«Сити Центр» сауда кешенінің (бұрынғы Көк базар – автор ескертпесі) ескі ғимараты толықтай бөлшектеніп, орнына тағы бір көпқабатты үй салынғалы жатқандықтан, аумағы автобөлшектер салынған контейнерлерден тазартылып жатыр екен. . .
Контейнер қожайындары оларды екі қатарға салып, тұрғын үйдің артына тасымалдаған, бұл 27-ші аудан тұрғындарын қанағаттандырмайды. Олар мұны заңсыз жер басып алу деп санайды.
Ақтау қалалық жолаушылар көлігі және автомобиль жолдары бөлімінен түсініктеме берілді.
Шенеуніктердің айтуынша, контейнерлер уақытша орнатылған. Олар жақын арада жойылады.
