04.10.2024, 19:40
Облыс орталығында 30, 29, 19 және 28 аудандардың қиылысындағы жол уақытша жабылады, деп хабарлайды Қоғамдық медиа орталығы қалалық әкімдіктің баспасөз қызметіне сілтеме жасап.
фото Pexels.com
Ақтауда 31А қосалқы аймағында Кеден ғимаратынан «Бәйтерек» сауда орталығына дейінгі жол орташа жөндеуден өтуде. Осыған байланысты 4 қазан күні сағат 21:00-ден 5 қазан күні сағат 15:00-ге дейін 30, 29, 19 және 28 ықшам аудандар арасындағы көлік қозғалысы уақытша жабылады.
Ақтау қалалық жолаушылар көлігі және автомобиль жолдары бөлімі қала тұрғындарынан туындаған келеңсіздіктерге түсіністікпен қарауды сұрайды.
